Domno Pontio, reverendo sanctę Cluniacensis æcclesię abbati, Balduinus, Flandrensium comes, et Clementia comitissa, æternam in Christo felicitatem. Cupientes ea quę ad religionem pertinent firma permanere, ne videlicet bene inchoata callidus hostis valeat pessumdare, serenitati vestrę notum facimus concessionem illam quam de ecclesia Sancti Bertini dominus meus Rotbertus comes adhuc vivens, me quoque annuente, predecessori vestro domno Hugoni pię memorię abbati concessit scriptoque confirmavit, nunc etiam pro remedio animarum nostrarum, tam me quam filium meum, libenter vobis vestrisque successoribus iterato concedere, ratamque peromnia, omni occasione seposita, fore. Porro ut heç {corr: hec} concessio nostra firma permaneat, in conspectu principum, cum eorundem assensu, eam firmavimus, atque sigilli nostri impressione subtersignari fecimus. Signum Lanberti abbatis. Signum Galteri thesaurarii. S. Rainneri notarii. S. Bernardi capellani. S. Alardi. S. Rodgerii castellani Insulani. S. Galterii castellani Curtriacensis. S. Reigeri dapiferi. S. Gillelmi dapiferi. S. Vulrici pincernę. S. Guidonis. Actum anno Domini M. C. XII., in villa Iprensi, pridie idus aprilis.